Cantar Marso…
Atto Unico… par ci no se desmentega mai che l’amor
l’è anca ‘n poco torse en giro
(Allegra farsetta)
Calmasino, 29 febbraio – 1 marzo 2012 – Rappresentato il 3 marzo 2012
=============== PROSSIMA RAPPRESENTAZIONE: 18 FEBBRAIO 2024 ===============
Personaggi principali:
Narratore: N
Coro: C = tutti
Gruppo de su’ (4 persone): 1 – 2 – 3 – 4
Gruppo de zò (4 persone): 5 – 6 – 7 – 8
Cantar Marso
Atto unico
(Introduzione del narratore)
(Musica di introduzione: 1 )
N: Cantar Marso… i le ‘spetaa tuto l’inverno: l’era uno de quei riti… che se ripetea ogni anno, e mia solo a Calmasin! Cavaion, Cavrin, Verona e anca fora via, oltre regione i se metèa tutti a cantar.
Come gli useleti ch’en Primavera i canta su le rame le so storie par conquistar le femmene, cussìta succedea anca tra gli umani col C A N T A R M A R S O. . .
Facile che, en pochi de voialtri vegnui qua stasera, i sarà drio pensar: Ah! ROBE ANTICHE???: envesse no… credìme… no gh’è niente de cusì moderno.
L’è ovvio, ‘na olta l’era l’ultimo giorno de febrar, el primo de marso, quando i buteloti i se mettea sui colli del paese o ensima a i alberi lontani… col tortor che servea par amplificar la vosse e i se fasea sentir dapartutto: no gh’era mia macchine come ancò, per cui come podo dir, ecco… se sentea FORTE E CHIARO!
L’è vera, è cambià i posti, è cambià el strumento, ma… na roba… l’è ancora stessa al giorno de ancò?: la ‘oia de zugar, la ‘oia de torse en giro, specie su le robe ‘n poco intime, la ‘oia de proarghe a butar l’amo par vedar ci abbocca, la ‘oia de essar na nina matti, almanco finchè te si ‘zoino.
No gh’è NIENTE DE ANTICO nel Cantar Marso… parchè anca al giorno de ancò, ogni giorno, gh’è butei e butele, omeni e done, e no’ solo a Calmasin o nella provincia de Verona, ma en tuta italia, en tutto el mondo, e a tutte le ore, che zuga e che canta l’unica parola che no ne fa mia dormir de notte, che ne tegne tutti en piè da matina a sera: quella parola che l’è come na scintilla par el cor, CH’EL BATTE A MILLE, come na sbornia par la testa, CHE LA NE FA STRAPARLAR, la parola par la quale semo tutti coraggiosi, P R I M A …. ma quando, …. P O I … se la catemo di fronte, ne trema le gambe a tutti, la parola che la ne fa tremar la vosse, anca adesso, solo a pensarla, solo a pronunciarla:
A M O R E.
(sfumare musica)
N (VOCE MOLTO DETERMINATA): ‘NA ‘OLTA no ghera mia FEISBUK…
C (all’unisono): SA’ ELO?
N (SORPRESO): Ci gh’è che osa? na ‘olta DISEA, no gh’era mia i SMART F O N…
C (all’unisono): CI GHE DIRELI?
N (INCALZANDO): Ci se permette de interrompar? ‘Na ‘olta s’era drio dir, no se ‘ndasea mia a catar morose “EN CHAT”
C (veloce): ENCHAT, ndo elo? Visin a Camacici….?!
N (Sprezzante): Vilani! Ci osa de nascosto… Appunto disea… na olta i se maridava a vint’ani, no gh’era mia tempo par nar en giro a far i mussi…
C (Sfidando veloci!): A PIAN CON LE PAROLE!!!
N: [incalzando il coro, cattivo] A pian con gli OSAMENTI!
C (Sfidando veloci!): Cuccio!
N: ‘na ‘olta, no gh’era nianca tanta ‘oia de star a casa coi veci, che no l’era mia come ancò: na ‘olta, en casa, parea de star en P R I S O N! Ci gh’a l’età se ricorda, penso… no come adesso, che gliè i veci che te dise de nar fora par star ‘n poco quieti…
C (all’UNISONO): Seh M A G A R I!
N: ah… Le butele disea… Ah! Quelle le volea nar fora de casa el prima possibile, che averghe marì e fioi alora, l’era ‘n modo par averghe vita propria, e mia solo par lore… anca i massci, par quela, no i ghe ne podea pì de star sensa maridarse ne le notti ‘ngiasè de quei anni, che no gh’era mia riscaldamenti alora e se se strucaa nei letti… e no gh’era mia freddo solo se te ghe tegnee la man a quela che te piasea, mentre ela la se ‘ncrociaa i piè con ti.
C (all’UNISONO): Ai ai ai Ariva Marso su questa tera
par maridar ‘sta bela butela…!
N: El Cantar Marso l’era su dù giorni, el primo l’era el giorno dei schersi, de le coppie sbagliè, dei zughi con le rime e le vegnea fora grosse, ma grosse… che… se gh’esene da tirarle fora stesse, come i le cantaa alora, ghe sarAi??a piasA? denunce che butele da maridar! Ma lo savAi??! A noialtri de Calmasin, ne piase risCiarla, ai???MAI PAURAai???, disea i veci… e alora dai su, Corajo! Serive le rece se no volAi?? ascoltar, ma no proprio serarle dal tutto! Ve femo sentir piA? o meno, più meno che ù, quel che vegnea fora quando, l’ultimo giorno del mese de febrar, dopo mesi de mandar zo, mandar zo, mandar zo… e studiar la coppia piA? assurda, e averghe oia de osar a tutto el paese la pAi?? grossa che s’avesse mai sentiAi?? a Calmasin i buteloti se dividea in du – tri gruppi, e sui colli, da na parte a l’altra del paese, ai???pieni de morbinai??? come dise el poeta Brusco, coi tortori puntA? in alto i le sparava piA? o meno grossa cusAi??ta:
(PAUSA)
G1-1°: Ariva Marso su questa tera…
G1-2°: Par maridar ‘na butela bela
G1 – C (unisono): Ci ela, ci no ela?
G1-3°: L’A? la Rosetta quela che fa la Cameriera,
G1-4°: e la maridarennnnnn… ai??i??. … col Bepi Creansa che l’A? da maridar
G2-5°: Ma sito matto? ai??i?? ai??i?? … Con quela lAi?? no gh’A? mia speransa!
G2-6°: Bon! a la Rosetta la Cameriera… ghe demo… ai??i?? el Beco del Pachera!
G1 – C (2* voce sola): Villani che no sÌ altro!
G1 – C (tutti incalzando all’UNISONO): Daghelo! Daghelo! Daghelo!
(PAUSA)
G2-7°: Ariva Marso su questa tera…
G2-8°: E n’altra bela putela saria da maridar…
G1 C (2° voce sola): Ma de ci si drio parlar?
G2-5°: Quei che sa, i ghe dise: Lucia Costansa
G2 C (unisono il fischio per le pupe): Fiu Fìu!!!
G2-6°: La maridaren col Dottor Betteloni ch’el gh’à… [pausa] abondansa…
G1-1°: Ci, quela lì… Ma nianca col rocolo a manetta la ghe n’aria ‘bastansa…
G2 C (unisono i fischi per le pupe): Fiu Fìu Fiu Fìu Fiu Fiu Fìu
(PAUSA)
G1-1°: Ariva Marso su questa tera…
G1-2°: Par maridar ‘na butelota sana
G2 C (unisono): Ci ela, ci no ela?
G1-3°: La Teresa, Venessiana
G1-4°: Miga facile maridar una cussita BELA
G2-5°: A quela là ghe piase tutti gli omeni, ma se no la se contenta de uno, la risCIAA de finir ZITELA
G1 C (unisono): Poraaaaaaa Teresaaaaaaaaaaa, pora teresa, pora teresa
G1 C (una voce): “Ci se accontenta gode….” – dise so mare!!!
G1 C (una voce): Ma ci gode è più contentoooo…” – ghe rispone la Teresa
(PAUSA)
G2- 6°: L’è presto Marso su questa tera…
G1 C (incalzando all’unisono): MA TI TE SI SEMPRE MARSO su questa teraaaaaaa
G2-6°: Malcaghè Lasime dir… (OSANDO) È ariva Marso su questa tera…
G2-7°: SE TE OSE cussita i pensa che te sìe su Marte, no… SU Questa teraaaaaaaa….
G2-6° (voce alta): Ghe zà quei de là che cioca, ciocheto anca tÌ
(OSANDO ancora) Ariva Marso su questa tera…
G1 C (una voce): ‘Arda che Giove l’ha dito ch’el vol essarghe anca lù
G2-6°: Pisquani!!! Lassime cantar quel che me spetta…
(OSANDO ancora piasè forte) Ariva Marso su questa tera…
G2-7°: Se gh’è ‘n dotor e te sente arivar Marso el te fa subito ‘n clistere…
G2-6°: Stèto con mì o con quèi là ‘nsima???
(OSANDO ancora) Ariva Marso su questa tera…
G2-7°: Par maridar ‘na bela cavallona…
G2-8°: La gh’era! No la gh’è pì! A forsa de sentir le vostre osade, la dito: “Gh’è massa MARSO chì zò! Vao a farme suora su, al santuario de la Corona!
G1 C (unisono): AMEN N N N N N N N N N !
(PAUSA)
G1-1°: Ariva Marso su questa tera…
G1-2°: L’è tempo de maridar sta bela putela
G2 C (unisono): Ci ela, ci no ela?
G1-3°: L’è la Luigia, so fiola del scarpolin!
G2 6°: Gh’è so Sio de me nono libero!
G1-4°: Oh! Arda che la Luigia la g’ha vint’ani!
G2 7°: Sarà contento el Vecio!!!
(PAUSA)
G2-5°: Ariva Marso su questa tera…
G2-6°: Par maridar st’altra bela putela
G1 C (unisono): Ci ela, ci no ela?
G2-7°: L’è la MariaPia Vedovelli
G2-8°: La maridaren col Sebastiano Pitor che l’è da maridar…
G1 4°: Arda che la MariaPia la g’ha solo el nome de santo par el resto ghe piase gli omeni e no la vol mia solo basini!
G2-7°: Gh’e saria giusto par ela el ciosso Sandrini!
G1 3°: Ah, lassa star le miserie! L’è mejo alora, darghe pronto el Toro del Coppini!!!
G1 C (unisono e carichi!!!) : Ahi Ahi Ahi! Acca Toro Acca Toro…. Olè!
(PAUSA)
G1-3°: Ariva Marso su questa tera, che mai la se riposa…
G1-4°: Noialtri sen bA?ni, ghe daressene a tutte el marAi?? che le se merita
G2 C (unisono): E alora dAi??ne… ci ela la prossima sposa?
G1-1°: Parlarem de l’ANITA, La fiola zAi?? vecia del vecio Macario
G1-2°: La maridaren col… Tony?
G1-3°: Ma l’è stralocia…
G1-2°: No col Tony no, alora col Gepe?
G1-4°: Ma la g’ha le gambe storte…
G1-2°: No col Gepe no, alora col Maci?
G1-1°: Ma la g’ha el naso scaisà…
G1-2°: No col Maci no, alora col Barba?
G1-3°: Ma la g’ha le recce a sventola…
G1-2°: No col Barba no, alora col Mario?
G1-4°: Ma no la g’ha mia dentiiiii…
G2 C (unisono): ‘MBRIAGONI, l’è mejo risparmiar sugli omeni, come en tempo de guera, a la fiola del Vecio Macario, demoghe sposo: El Musso del Vilario!
G2 C (unisono il raglio del Musso): Hihooon! Hihooon! Hihooon!
G1 C (unisono il raglio del Musso): Hihooon! Hihooon! Hihooon!
G1 e G2 C (unisono il raglio del Musso): Hihooon! Hihooon!
(musica)
N: E i nasea avanti cusÌta… fin che i gavea fià e fantasia… e siccome gliera omeni de fatiga, de fià i ghe n’avea ‘n bisogno e de fantasia anca, parchè gli avea passà tutto l’inverno a pensar le sparade da tirar fora l’ultimo giorno de Febrar.
G2 5°: Ariva Marso su questa tera…
G2 6°: Par maridar na butela bela
G1 C (unisono): Ci ela, ci no ela?
G2 7°: No podì mia conosarla… l’è massa bela par voialtri…
G1 C (unisono): eh! Ha parlà quei bei eh!
G2 8°: No disem più niente par ancò?!
G2 5°: Stemo entrando en Marso su questa teraaa e se volì savèr ci ela ela?
G2 6°: El nome ve diren doman… doman de sera…
—
—
(PAUSA BREVE)
—
—
N: El primo de Marso, l’era differente…
Va ben! Capitava de schersar anca quella sera lì, ma de manco, parchè le coppie assurde de la sera prima gliera ormai svanie ne ‘na bella bossa de vin e no le sarìa più ricomparse fin a l’anno successivo quando, come per magia e tradision le ricomparea su la scena, incrociandose de novo in altri “schersi e amori ridicoli”.
Anca parchè… i butei magari i se gode a stracarse de semade, ma le butele, se sà, dopo ‘n poco le se stufa.
No se schersaa mia massa, parchè la sera del primo de Marso, la servea proprio par butar en ‘nansi qualche “publicazion” de quele vere.
Se disea cussita allora: quando se cantava l’apprezzamento de na butela par qualchedun, ogni tanto se ghe ‘ndovinaa e se disea che la butela l’era stà “Publicada”.
Del resto el paese l’era piccolo e prima o dopo…
C G1 (VELOCI! unisono): a forsa de dai… è vignuo anca…
C G2 (Fischi per pupa): Fiu Fiu!
N (incalzandoli): Avì sbaglià giorno! L’era geri che bisognaa far i merli! Ancò se fa gli usignoli… bisogna che cantè ben! Volì restar sensa butele anca st’istà?!
E difatti en mezo al “Cantar Marzo” ‘n poco par sbaglio ‘n poco parchè le robe le se savèa, mèze contè e mèze savùe, se tiraa fora le coppie che podea averghe futuro: cantar en piassa che a uno ghe piasea ‘na butela l’era quasi come cavarse la timideza, cavarse la paura de vardarla dritta ne gli oci. Riessar a dirghe, finalmente, anca schersando, anca par el tramite d’en zugo: ” ‘arda che te me piase… “.
No gliè mia R O B E A N T I C H E, ve l’ho za dito: basta solo pensar che Feisbuk l’ha fatto fortuna col botton su la foto de la butela giusta che, sensa paura, sensa timidessa, na olta macà, ghe dise “MI PIACE”.
(PAUSA)
N: SAi??, ogni tanto i dispetosi i gh’A? metea en meso ancora ‘n poca de ‘gnoransa, ma l’era solo par ciapar fiAi?? e sbAi??ssAi??r l’agitasion par le ai???Pubblicazioniai???…
G1 1°: Stemo entrando en Marso su questa tera….
G1 2°: Par maridar na bela putela…
G2 C (unisono): Ci ela, ci no ela?
G1 3°: L’A? la Maria parrucchiera…
G1 4°: Ocio a quela lAi??! Che no la vede n’omo, l’A? dai tempi de la guerra…
N (INCALZANDOLI): Alora Buteloti! ‘n po’ de quel che se ghe dise…
G2 5°: Stemo entrando en Marso su questa tera….
C (unisono il raglio del Musso): Hihooon! Hihooon! Hihooon!
C (unisono il fischio per le pupe): fiu fAi??!
N(carico con tono seccato e duro): ELA LONGA!?!!??
(PAUSA BREVE)
Come capita l’è proprio en meso a le ortighe che se pol catarghe i frutti mejo e l’è quel che succedea almanco na ‘olta a l’anno al “Cantar Marso”.
Me piasarìa contarve de quell’amor segreto, de quela butela zoina che la volea svelarse… e darghe el nome a la ragion del cor che ghe battea a 1000, saria stà facile… se no ghe fusse stà la paura de ciaparle da so Pare…
G1 C (unisono): Dine! Ci ela la butela?
N: A pian coi nomi, vilani!
G2 C (unisono): Contene el fatto!
N: El fatto l’è semplice. A una ghe piase uno.
G1 C (unisono): Ci elo el Butel?
N: Arda che no me ciamo mia Giuda! Baucchi…
G2 7°: Cuccio…
G2 8°: Vien chi a dirlo…
G2 5°: El tiro zò dal palco…
G2 6°: Sentemo el Siensa s’al vol contarne…
N: Butei, no se schersa mia co ste robe… so quando g’ho da metarme da na parte.
Me piasaria ricrearla sCèTTA, cussìta come l’è successa, Sinquant’ani fa.
No avì mìa finìo de osar ne i TORTORI, la ve tocca a voialtri questa! [Nota di scena - domanda: definizione de TORTORI: ANTICHI MEGAFONI? ]
Anca parchA? mAi?? son solo uno che conta, voialtri sAi?? quei che sAi??, questa l’A? la pAi?? bA?la e no voria mai rubarve… L’ U L T I M A S I E N A…
(BREVE PAUSA)
G1 1Ai??: L’A? rivAi?? Marso su questa tera…
G1 2Ai??: Par maridar na butela bela
G2 C (unisono): Ci ela, ci no ela?
G1 3Ai??: L’A? la Manuela che l’A? bA?la!
G2 5Ai??: Ma sito matto! Se te sente so pare el te mette en gabbia!
G1 4Ai??: Gh’Ai?? da maridarse anca so fiola del Maresciallo!
G2 6Ai??: Ma l’A? l’A? geloso come ‘n Pitto!
G1 C (unisono verso del Pitto): HIIII HIIII HIIII
G1 1Ai??: A pian col fagian, ehm volea dir a pian col Pitto!!!
G2 7Ai??: S’el ne sente el ne arresta!
G1 2Ai??: Se te vol ghe metto la sordina al tortor!!!
G2
8Ai??
: Spera ch’el sia fora paese PITTOSTO!
G2 C (unisono verso del Pitto): HIIII HIIII HIIII
G1 1°: L’A? rivAi?? Marso su questa tera…
G1 2°: Par maridar na butela bela
G2 C (unisono): Ah che ariva anca Pasqua se te la slonghi ancora…
G1 3°: La Manuela del Maresciallo
G1 4°: La maridaren col ai??i??
G2 C (unisono): Con cAi???
G1 1° (CANTANDO A MO’ DI TENORE): ” MA IL MIO MISTERO E’ CHIUSO IN ME IL NOME … “SUO”…. NESSUN SAPRA’…. “
G2 C (unisono): Eh Puccìni! Ah che l’el Cantar Marso, mia la Turandot!
G1 2°: La maridaren co Antonio… so fiol dei Lamberti!
G2 5°: Ma el Canta l’Opera in Arena…
G2 6°: La so fameja la g’ha cavAi?? meza ereditAi??, parchA? l’ha voluo far l’Artista!
G2 7°: S’el Maresciallo el v’ha sentAi??o nasAi?? a finir dritti a Montorio!
G1 3°: A ela el ghe piase da morir… l’ho vista ‘sta matina l’era agitada par la “publicasion”… e l’era ancora pì bela! La me contaa con gli oci serè de quando i se vede de nascosto visin al Roaron e lù el ghe canta le arie!
G2 C (unisono ALTA VOCE): SA GHE CANTELO???
G1 4: ‘gnoransa… l’opera lirica l’A? divisa in cansoni che le se ciama arie…
G2 8: Se te becca so pare te vede le arie che ‘l te fa cavar…
G1 3: L’aria che piase de più l’è tirà fora da la “Traviata” de Verdi, quela che fa:
“A MA MI ALFREEDOOOO… A MA MI ALFREEDOOOO…”
G2 (UNISONO): A MA MI AN TO NIOOOOOOOO AAAAAAAAA MA MI AN TO NIOOOOOOOOOO!
G1 2: Basta coi schersi! Ormai la Publicasion l’è sta fatta e se ‘l bon Dio el varda ‘n zo, e come g’ha dito Don Romeo al Cesco, el varda en zo par forza da lansima… finalmente ela la se affrancarà da so pare e noialtri aren fatto, anca par st’ano na roba bona!
G2 8°: Par mì el te manda al confino!
G1 1°: No g’ha ‘mportansa, ho visto i so oci, te ghe lesee scritto che l’è ‘nnamorà, so pare el se metarà quieto anca lù come gli ha fatto tutti, e se no l’è mia proprio ‘n musso, el ghe darà ‘l so consenso e la so benedision!
G2 C (unisono FORTE!): AMEN N N N N N N N N N !
N: Ecco la forsa del Cantar Marso l’era questa… Quando se riusea a formar na coppia i podea trovarse la dominica dopo a Messa e lù el podea accompagnarla a casa…
Alle ‘olte l’era per sempre.
Altro che robe antiche, ‘na olta no gh’era mia Feisbuk: ancò el gh’è!
TUTTI IN CORO (unisono FORTE!) “Me sa tanto… che l’era mejo ‘na olta!
FINE
(musica: COSA SARA’ – Dalla / De Gregori)
